Èske w gen kesyon sou Sondaj Transfè Bousdetid PEP 2026-27 la, Fondasyon Bousdetid AAA a, oswa Opsyon Bousdetid ou yo?

Gade kesyon ki anba yo pou jwenn gidans sou pwochen etap ou yo ak dat limit enpòtan ki gen rapò ak aplikasyon bousdetid 2026-27 elèv ou a.

Kilè chanjman mwen pou FES-UA a ap fini?

Si elèv ou a an atant revizyon kounye a, ou pral bezwen premye refize aplikasyon PEP a epi kontakte Sant Angajman an pou mande yon chanjman pou FES-UA anvan 5:00 pm ET nan dat 7 Out 2026. Yon fwa ou fin soumèt demann chanjman an epi ou fin satisfè tout kondisyon kalifikasyon ak dokiman FES-UA yo, y ap revize aplikasyon an anba pwogram FES-UA a. Si elèv la kalifye pou finansman pou premye trimès la, y ap mete l nan distribisyon finansman pou dezyèm trimès la.

Mwen te refize PEP paske mwen te vle chanje pou FES-EO. Kisa k ap pase kounye a?

Yon fwa yo refize aplikasyon bousdetid PEP elèv ou a, ou ap gen opsyon pou aksepte bousdetid FES-EO (Lekòl Prive) pou elèv ou a nan EMA. Si ou ta renmen aplike pou yon bousdetid FES-UA (Kapasite Inik) pito, ou dwe refize bousdetid FES-EO a anvan ou kòmanse aplikasyon bousdetid FES-UA elèv ou a.

Si m transfere nan AAA ane sa a, èske y ap konsidere m kòm yon elèv k ap renouvle pwogram nan si m aplike avèk Step Up ankò pou 2027-28?

Non. Elèv ki resevwa finansman atravè yon lòt Òganizasyon Finansman Bousdetid, tankou Fondasyon Bousdetid AAA, epi ki pita retounen nan Step Up For Students, yo pral konsidere kòm nouvo elèv, pa elèv ki renouvle enskripsyon yo. Finansman Kredi Taks Florid la, ki gen ladan finansman PEP a, pa transfere ant Òganizasyon Finansman Bousdetid yo.

Mwen kwè revni mwen ta dwe kalifye m pou priyorite revni. Èske yo ka revize aplikasyon mwen an ankò?

Non. Detèminasyon priyorite revni yo baze sou gwosè kay la ak enfòmasyon sou revni ki te disponib lè yo te soumèt aplikasyon an okòmansman epi revize li. Si dokiman yo bay la pa t etabli sitiyasyon priyorite revni an, p ap gen okenn lòt revizyon oswa rekonsiderasyon ki disponib pou ane lekòl 2026-27 la.

Èske mwen ka mete enfòmasyon sou revni mwen ajou apre yo fin egzamine aplikasyon mwen an?

Non. Yo egzamine aplikasyon yo apati enfòmasyon sou gwosè kay la ak revni yo te bay lè yo te soumèt aplikasyon an. Yo pa ka mete enfòmasyon sou revni yo ajou pou yo rekonsidere yo pandan ane lekòl 2026-27 la apre yo fin egzamine aplikasyon an.

Si m pa resevwa finansman PEP pou 2026-27, èske y ap toujou konsidere m kòm yon elèv k ap renouvle enskripsyon m pou 2027-28?

Non. Si ou pa resevwa finansman oswa ou chwazi refize yon bousdetid PEP 2026-27, y ap konsidere w kòm yon Nouvo elèv pou 2027-28, pa kòm yon Elèv Renouvèlman.

Si mwen dakò pou yon transfè nan AAA, èske tout elèv mwen yo pral transfere?

Non. Se sèlman elèv ki aktyèlman nan estati PEP Pending Review ki kalifye pou yo konsidere transfè. Elèv ki deja nan estati Scholarship Choice is Confirmed PEP pa kalifye pou yo transfere nan AAA. Si fanmi ou genyen tou de elèv Scholarship Choice is Coconfirmed ak elèv Pending Review, Step Up ap eseye kenbe fanmi yo ak menm Òganizasyon Finansman Bousdetid la chak fwa sa posib, men se sèlman elèv ki annatant revizyon an ki ka transfere si finansman an pa disponib atravè Step Up.